VIDEO/ Pas pushimit 2 orësh, nis numërimi i votave për anëtarët e Këshillit Kombëtar të PD-së

Pas një pushimi prej 2 orë e gjysmë, ka nisur procesi i numërimit të votave për anëtarët e Këshillit Kombëtar të PD-së.

Komisioni Qendror i Numërimit të Kuvendit Kombëtar, njoftoi më herët në përmbyllje të votimeve se do të bëhet një pushim për shkak se shumë prej komisionerëve kanë agjëruar dhe kanë konsumuar iftarin.

Njoftimi i Komisionit të Rithemelimit:

Komisioni Qendror i Numërimit të Kuvendit Kombëtar të PD njofton që për shkak se procesi i votimit sapo ka përfunduar, dhe një pjesë e komisionerëve në Komisionet e numërimit kanë agjeruar e kanë iftar, procesi i numërimit fillon në orën 20.30. Ftojmë mediat dhe cdo kandidat të interesuar të ndjekin në hollin e katit të dytë të PD procesin e numërimit.